Rudram in IPA - International Phonetic Alphabet English
This page contains Laghunyasam, Rudram and Chamakam with vedic svara in IPA English.
|| śrī rudrapraśnaḥ ||
|| laghunyāsaḥ ||
oṁ athātmāna śivātmānag śrī rudrarūpaṁ dhyāyet ||
śuddhasphaṭika saṁkāśaṁ trinetraṁ pañca vaktrakam |
gaṅgādharaṁ daśabhujaṁ sarvābharaṇa bhūṣitam ||
nīlagrīvam śaśāṅkāṅkaṁ nāga yajñopa vītinam |
vyāghra carmottarīyaṁ ca vareṇyamabhaya pradam ||
kamanḍalvakṣa sūtrāṇāṁ dhāriṇaṁ śūlapāṇinam |
jvalantaṁ piṅgalajaṭā śikhā muddyota dhāriṇam ||
vṛṣa skandha samārūḍhaṁ umā dehārtha dhāriṇam |
amṛtenāplutaṁ śāntaṁ divyabhoga samanvitam ||
digdevatā samāyuktaṁ surāsura namaskṛtam |
nityaṁ ca śāśvataṁ śuddhaṁ dhruvamakṣaramavyayam |
sarva vyāpina mīśānaṁ rudraṁ vai viśvarūpiṇam |
evaṁ dhyātvā dvijaḥ samyak tato yajanamārabhet ||
athāto rudra snānārcanābhiṣeka vidhiṁ vyākhyāsyāmaḥ |
ādita eva tīrthe snātvā udetya śuciḥ prayato brahmacārī
śuklavāsā devābhimukhaḥ sthitvā ātmani devatāḥ sthāpayet ||
prajanane brahmā tiṣṭhatu | pādayor viṣṇustiṣṭhatu |
hastayor harastiṣṭhatu | bāhvorindrastiṣṭhatu | jaṭhare'gnistiṣṭhatu |
hṛdaye śivastiṣṭhatu | kaṇṭhe vasavastiṣṭhantu | vaktre sarasvatī tiṣṭhatu |
nāsikayor vāyustiṣṭhatu | nayanayoścandrādityau tiṣṭhetām |
karṇayoraśvinau tiṣṭetām | lalāṭe rudrāstiṣṭhantu |
mūrdhnyādityāstiṣṭhantu | śirasi mahādevastiṣṭhatu |
śikhāyāṁ vāmadevastiṣṭhatu | pṛṣṭhe pinākī tiṣṭhatu |
purataḥ śūlī tiṣṭhatu | pārśvayoḥ śivāśankarau tiṣṭhetām |
sarvato vāyustiṣṭhatu | tato bahiḥ sarvato'gnir jvālāmālā parivṛtastiṣṭhatu |
sarveṣvaṅgeṣu sarvā devatā yathāsthānaṁ tiṣṭhantu | mā rakṣantu |
a̱gnirme̍ vā̱ci śri̱taḥ | vāgdhṛda̍ye | hṛda̍ya̱ṁ mayi̍ |
a̱hama̱mṛte̎ | a̱mṛta̱ṁ brahma̍ṇi |
vā̱yurme̎ prā̱ṇe śri̱taḥ | prā̱ṇo hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
sūryo̍ me̱ cakṣuṣi śri̱taḥ | cakṣu̱r hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
ca̱ndramā̍ me̱ mana̍si śri̱taḥ | mano̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
diśo̍ me̱ śrotre̎ śri̱tāḥ | śrotra̱̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
āpo̍ me̱ reta̍si śri̱tāḥ | reto̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
pṛ̱thi̱vī me̱ śarī̍re śri̱tāḥ | śarī̍ra̱̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
o̱ṣa̱dhi̱ va̱na̱spa̱tayo̍ me̱ loma̍su śri̱tāḥ | lomā̍ni̱ hṛda̍ye |
hṛda̍ya̱ṁ mayi̍̍ | a̱hama̱mṛte̎ | a̱mṛta̱ṁ brahma̍ṇi |
indro̍ me̱ bale̎ śri̱taḥ | bala̱̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
pa̱rjanyo̍ me̱ mū̱rdni śri̱taḥ | mū̱rdhā hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
īśā̍no me̱ manyau śri̱taḥ | manyur hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
ā̱tmā ma̍ ā̱tmani̍ śri̱taḥ | ātmā hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
puna̍rma ā̱tmā puna̱rāyu̱ rāgā̎t | punaḥ̍ prā̱ṇaḥ puna̱rākū̍ta̱māgā̎t |
vai̱śvā̱na̱ro ra̱śmibhi̍r vāvṛdhā̱naḥ |
a̱ntasti̍ṣṭhatva̱mṛta̍sya go̱pāḥ ||
asya śrī rudrādhyāya praśna mahāmantrasya aghora ṛṣiḥ anuṣṭup candaḥ sankarṣaṇa mūrti svarūpo
yosāvādityaḥ paramapuruṣaḥ sa eṣa rudro devatā |
namaḥ śivāyeti bījam | śivatarāyeti śaktiḥ | mahādevāyeti kīlakam |
śrī sāmba sadāśiva prasāda siddhyarthe jape viniyogaḥ ||
om agnihotrātmane aṅguṣṭhābhyāṁ namaḥ |
darśapūrṇa māsātmane tarjanībhyāṁ namaḥ |
cātur māsyātmane madhyamābhyāṁ namaḥ | nirūḍha paśubandhātmane anāmikābhyāṁ namaḥ |
jyotiṣṭomātmane kaniṣṭhikābhyāṁ namaḥ |
sarvakratvātmane karatala karapṛṣṭhābhyāṁ namaḥ ||
agnihotrātmane hṛdayāya namaḥ |
darśapūrṇa māsātmane śirase svāhā |
cāturmāsyātmane śikhāyai vaṣaṭ |
nirūḍha paśubandhātmane kavacāya hum |
jyotiṣṭomātmane netratrayāya vauṣaṭ |
sarvakratvātmane astrāyaphaṭ |
bhūrbhuvassuvaromiti digbandhaḥ ||
dhyānam
āpātāḻa nabhaḥsthalānta bhuvana brahmāṇḍa māvisphurat jyotiḥ sphāṭika liṅga
mauḻi vilasat pūrṇendu vāntāmṛtaiḥ |
astokāpluta meka mīśa maniśaṁ rudrānu vākāñjapan dhyāye dīpsita siddhaye
dhruvapadaṁ viprobhiṣiñce cchivam ||
brahmāṇḍa vyāptadehā bhasita himarucā bhāsamānā bhujañgaiḥ
kaṇṭhe kālāḥ kapardāḥ kalita śaśikalā ścaṇḍa kodaṇḍa hastāḥ |
tryakṣā rudrākṣamālāḥ prakaṭitavibhavāḥ śāmbhavā mūrtibhedāḥ rudrāḥ śrīrudrasūkta
prakaṭitavibhavā naḥ prayacchantu saukhyam ||
om ga̱ṇānā̎ṁ tvā ga̱ṇapa̍ti havāmahe ka̱viṁ ka̍vī̱nāmu̍pa̱maśra̍vastamam |
jye̱ṣṭha̱rāja̱ṁ brahma̍ṇāṁ brahmaṇaspata̱ ā na̍ḥ śṛ̱ṇvannūtibhi̍ssīda̱ sāda̍nam ||
om śrī mahāgaṇapataye̱ namaḥ ||
śaṁ ca̍ me maya̍śca me priyaṁ ca̍ menukāmaśca̍ me kāma̍śca me
saumana̱saśca̍ me bha̱draṁ ca̍ me śreya̍śca me vasya̍śca me
yaśa̍śca me bhaga̍śca me dravi̍ṇaṁ ca me yantā ca̍ me
dhartā ca̍ me kṣema̍śca me dhṛti̍śca me viśva̍ṁ ca me
maha̍śca me samvicca̍ me gnyātra̍ṁ ca me sūśca̍ me prasūśca̍ me
sīra̍ṁ ca me layaśca̍ ma ṛtaṁ ca̍ memṛta̍ṁ ca meyakṣmaṁ ca menā̍mayacca me
jīvātu̍śca me dīrghāyutvaṁ ca̍ menamitraṁ ca mebha̍yaṁ ca me sugaṁ ca̍ me
śaya̍naṁ ca me sūṣā ca̍ me sudina̍ṁ ca me ||
oṁ śāntiḥ śāntiḥ śānti̍ḥ ||
|| śrī rudrapraśnaḥ ||
om namo bhagavate̍ rudrā̱ya ||
om nama̍ste rudra ma̱nyava̍ u̱tota̱ iṣa̍ve̱ nama̍ḥ|
nama̍ste astu̱ dhanva̍ne bā̱hubhyā̍mu̱ta te̱ nama̍ḥ||
yā ta̱ iṣu̍ḥ śi̱vata̍mā śi̱vam ba̱bhūva̍ te̱ dhanu̍ḥ|
śi̱vā śa̍ra̱vyā̍ yā tava̱ tayā̍ no rudra mṛḍaya||
yā te̍ rudra śi̱vā ta̱nūragho̱rā'pā̍pakāśinī |
tayā̍ nasta̱nuvā̱ śanta̍mayā̱ giri̍śantā̱bhicā̍kaśīhi||
yāmiṣuṁ̍ giriśaṁta̱ haste̱ bibha̱rṣyasta̍ve|
śi̱vāṁ gi̍ritra̱ tāṁ ku̍ru̱ mā hi̍sī̱ḥ puru̍ṣaṁ̱ jaga̍t ||
śi̱vena̱ vaca̍sā tvā̱ giri̱śācchā̍vadāmasi |
yathā̍ na̱ḥ sarva̱mijjaga̍daya̱kṣma su̱manā̱ asa̍t ||
adhya̍vocadadhiva̱ktā pra̍tha̱mo daivyo̍ bhi̱ṣak |
ahī̍śca sarvā̎ñja̱mbhaya̱nsarvā̎śca yātudhā̱nya̍ḥ ||
a̱sau yastā̱mro a̍ru̱ṇa u̱ta ba̱bhruḥ su̍ma̱ṅgala̍ḥ |
ye ce̱mā ru̱drā a̱bhito̍ di̱kṣu śri̱tāḥ sa̍hasra̱śo'vai̍ṣā̱̱ heḍa̍ īmahe ||
a̱sau yo̍'va̱sarpa̍ti̱ nīla̍grīvo̱ vilo̍hitaḥ |
u̱tainaṁ̍ go̱pā a̍dṛśa̱nna̱dṛ̍śannudahā̱rya̍ḥ ||
u̱tainaṁ̱ viśvā̍ bhū̱tāni̱ sa dṛ̱ṣṭo mṛ̍ḍayāti naḥ |
namo̍ astu̱ nīla̍grīvāya sahasrā̱kṣāya̍ mīḍhuṣe̎ ||
atho̱ ye a̍sya̱ satvā̍no̱'haṁ tebhyo̍'kara̱n nama̍ḥ |
pramu̍ñca̱ dhanva̍na̱stva-mu̱bhayo̱rārtni̍yo̱rjyām ||
yāśca̍ te̱ hasta̱ iṣa̍va̱ḥ parā̱ tā bha̍gavo vapa |
a̱va̱tatya̱ dhanu̱stava saha̍srākṣa̱ śate̍ṣudhe ||
ni̱śīrya̍ śa̱lyānā̱ṁ mukhā̍ śi̱vo na̍ḥ su̱manā̍ bhava |
vijyaṁ̱ dhanu̍ḥ kapa̱rdino̱ viśa̍lyo̱ bāṇa̍vā u̱ta ||
ane̍śanna̱syeṣa̍va ā̱bhura̍sya niṣa̱ṅgathi̍ḥ |
yā te̍ he̱tirmī̍ḍhuṣṭama̱ haste̍ ba̱bhūva̍ te̱ dhanu̍ḥ ||
tayā̱'smān vi̱śvata̱stvama̍ya̱kṣmayā̱ pari̍bbhuja |
nama̍ste a̱stvāyu̍dhā̱yānā̍tatāya dhṛ̱ṣṇave̎ ||
u̱bhābhyā̍mu̱ta te̱ namo̍ bā̱hubhyā̱m tava̱ dhanva̍ne |
pari̍ te̱ dhanva̍no he̱tira̱smānvṛ̍ṇaktu vi̱śvata̍ḥ ||
atho̱ ya i̍ṣu̱dhistavā̱re a̱smannidhe̍hi̱ tam || 1 ||
nama̍ste astu bhagavanviśveśva̱rāya̍ mahāde̱vāya̍ tryamba̱kāya̍
tripurānta̱kāya̍ trikāgnikā̱lāya̍ kālāgniru̱drāya̍ var trikālāgni
nīlaka̱ṇṭhāya̍ mṛtyuṁja̱yāya̍ sarveśva̱rāya̍
sadāśi̱vāya̍ śrīmanmahāde̱vāya̱ nama̍ḥ ||
namo̱ hira̍ṇyabāhave senā̱nye̍ di̱śāṁ ca̱ pata̍ye̱ namo̱
namo̍ vṛ̱kṣebhyo̱ hari̍keśebhyaḥ paśū̱nāṁ pata̍ye̱ namo̱
nama̍ḥ sa̱spiñja̍rāya̱ tviṣī̍mate pathī̱nāṁ pata̍ye̱ namo̱
namo̍ babhlu̱śāya̍ vivyā̱dhine'nnā̍nā̱ṁ pata̍ye namo̱
namo̱ hari̍keśāyopavī̱tine̍ pu̱ṣṭāṇā̱ṁ pata̍ye namo̱
namo̍ bha̱vasya̍ he̱tyai jaga̍tā̱ṁ pata̍ye̱ namo̱
namo̍ ru̱drāyā̍tatā̱vine̱ kṣetrā̍ṇā̱ṁ pata̍ye̱ namo̱
namassū̱tāyāha̍ntyāya̱ vanā̍nā̱ṁ pata̍ye̱ namo̱
namo̱ rohi̍tāya stha̱pata̍ye vṛ̱kṣāṇa̱ṁ pata̍ye̱ namo̱
namo̍ ma̱ntriṇe̍ vāṇi̱jāya̱ kakṣā̍ṇa̱ṁ pata̍ye namo̱
namo̍ bhuva̱ṁtaye̍ vārivaskṛ̱dhāyauṣa̍dhīnā̱ṁ pata̍ye̱ namo̱
nama̍ u̱ccairgho̍ṣāyākra̱ndaya̍te pattī̱nām pata̍ye̱ namo̱
nama̍ḥ kṛtsnavī̱tāya̱ dhāva̍te̱ satva̍nā̱ṁ pata̍ye̱ nama̍ḥ || 2 ||
nama̱ḥ saha̍mānāya nivyā̱dina̍ āvyā̱dhinī̍nā̱ṁ pata̍ye̱ namo̱
nama̍ḥ kaku̱bhāya̍ niṣa̱ṅgiṇe̎ ste̱nānā̱ṁ pata̍ye̱ namo̱
namo̍ niṣa̱ṅgiṇa̍ iṣudhi̱mate̱ taska̍rāṇā̱ṁ pata̍ye̱ namo̱
namo̱ vañca̍te pari̱vañca̍te stāyū̱nāṁ pata̍ye̱ namo̱
namo̍ nice̱rave̍ parica̱rāyāra̍ṇyānā̱ṁ pata̍ye̱ namo̱
nama̍ḥ sṛkā̱vibhyo̱ jighā̍sadbhyo muṣṇa̱tāṁ pata̍ye̱ namo̱
namo̍'si̱madbhyo̱ nakta̱ṁcara̍dbhyaḥ prakṛ̱ntānā̱ṁ pata̍ye̱ namo̱
nama̍ uṣṇī̱ṣine̍ girica̱rāya̍ kulu̱ñcānā̱ṁ pata̍ye̱ namo̱
nama̱ iṣu̍madbhyo dhanvā̱vibhya̍śca vo̱ namo̱
nama̍ ātanvā̱nebhya̍ prati̱dadhā̍nebhyaśca vo̱ namo̱
nama̍ ā̱yaccha̍dbhyo visṛ̱jadbhya̍śca vo̱ namo̱
namo'sya̍dbhyo̱ vidhya̍dbhyaśca vo̱ namo̱
nama̱ āsī̍nebhya̱ḥ śayā̍nebhyaśca vo̱ namo̱
nama̍ḥ sva̱padbhyo̱ jāgra̍dbhyaśca vo̱ namo̱
nama̱stiṣṭha̍dbhyo̱ dhāva̍dbhyaśca vo̱ namo̱
nama̍ḥ sa̱bhābhya̍ḥ sa̱bhāpa̍tibhyaśca vo̱ namo̱
namo̱ aśve̱bhyo'śva̍patibhyaśca vo̱ nama̍ḥ || 3 ||
nama̍ āvya̱dhinī̎bhyo vi̱vidhya̍ntībhyaśca vo̱ namo̱
nama̱ uga̍ṇābhyastṛha̱tībhya̍śca vo̱ namo̱
namo̍ gṛ̱tsebhyo̍ gṛ̱tsapa̍tibhyaśca vo̱ namo̱
namo̱ vrāte̎bhyo̱ vrāta̍patibhyaśca vo̱ namo̱
namo̍ ga̱ṇebhyo̍ ga̱ṇapa̍tibhyaśca vo̱ namo̱
namo̱ virū̍pebhyo vi̱śvaru̍pebhyaśca vo̱ namo̱
namo̍ ma̱hadbhya̍ḥ kṣulla̱kebhya̍śca vo̱ namo̱
namo̍ ra̱thibhyo̍'ra̱thebhya̍śca vo̱ namo̱
namo̱ rathe̎bhyo̱ ratha̍patibhyaśca vo̱ namo̱
nama̱ḥ senā̎bhyaḥ senā̱nibhya̍śca vo̱ namo̱
nama̍ḥ kṣa̱ttṛbhya̍ḥ saṁgrahī̱tṛbhya̍śca vo̱ namo̱
nama̱stakṣa̍bhyo rathakā̱rebhya̍śca vo̱ namo̱
nama̱ḥ kulā̍lebhyaḥ ka̱rmāre̎bhyaśca vo̱ namo̱
nama̍ḥ puñjiṣṭe̎bhyo niṣā̱debhya̍śca vo̱ namo̱
nama̍ iṣu̱kṛdbhyo̍ dhanva̱kṛdbhya̍śca vo̱ namo̱
namo̍ mṛga̱yubhya̍ḥ śva̱nibhya̍śca vo̱ namo̱
nama̱ḥ śvabhya̱ḥ śvapa̍tibhyaśca vo̱ nama̍ḥ || 4 ||
namo̍ bha̱vāya̍ ca ru̱drāya̍ ca̱
nama̍ḥ śa̱rvāya̍ ca paśu̱pata̍ye ca̱
namo̱ nīla̍grīvāya ca śiti̱kaṇṭhā̍ya ca̱
nama̍ḥ kapa̱rdine̍ ca̱ vyu̍ptakeśāya ca̱
nama̍ḥ sahasrā̱kṣāya̍ ca śa̱tadha̍nvane ca̱
namo̍ giri̱śāya̍ ca śipivi̱ṣṭāya̍ ca̱
namo̍ mī̱ḍhuṣṭa̍māya̱ ceṣu̍mate ca̱
namo̎ hra̱svāya̍ ca vāma̱nāya̍ ca̱
namo̍ bṛha̱te ca̱ varṣī̍yase ca̱
namo̍ vṛ̱ddhāya̍ ca saṁ̱vṛdva̍ne ca̱
namo̱ agri̍yāya ca pratha̱māya̍ ca̱
nama̍ ā̱śave̍ cāji̱rāya̍ ca̱
nama̱ḥ śīghri̍yāya ca̱ śībhyā̍ya ca̱
nama̍ ū̱rmyā̍ya cāvasva̱nyā̍ya ca̱
nama̍ḥ srota̱syā̍ya ca̱ dvīpyā̍ya ca || 5 ||
namo̎ jye̱ṣṭhāya̍ ca kani̱ṣṭhāya̍ ca̱
nama̍ḥ pūrva̱jāya̍ cāpara̱jāya̍ ca̱
namo̍ madhya̱māya̍ cāpaga̱lbhāya̍ ca̱
namo̍ jagha̱nyā̍ya ca̱ budhni̍yāya ca̱
nama̍ḥ so̱bhyā̍ya ca pratisa̱ryā̍ya ca̱
namo̱ yāmyā̍ya ca̱ kṣemyā̍ya ca̱
nama̍ urva̱ryā̍ya ca̱ khalyā̍ya ca̱
nama̱ḥ ślokyā̍ya cā'vasā̱nyā̍ya ca̱
namo̱ vanyā̍ya ca̱ kakṣyā̍ya ca̱
nama̍ḥ śra̱vāya̍ ca pratiśra̱vāya̍ ca̱
nama̍ ā̱śuṣe̍ṇāya cā̱śura̍thāya ca̱
nama̱ḥ śūrā̍ya cāvabhinda̱te ca̱
namo̍ va̱rmiṇe̍ ca varū̱thine̍ ca̱
namo̍ bi̱lmine̍ ca kava̱cine̍ ca̱
nama̍ḥ śru̱tāya̍ ca śrutase̱nāya̍ ca || 6 ||
namo̍ dundu̱bhyā̍ya cāhana̱nyā̍ya ca̱ namo̍ dhṛ̱ṣṇave̍ ca pramṛ̱śāya̍ ca̱
namo̍ dū̱tāya̍ ca̱ prahi̍tāya ca̱ namo̍ niṣa̱ṅgiṇe̍ ceṣudhi̱mate̍ ca̱
nama̍stī̱kṣṇeṣa̍ve cāyu̱dhine̍ ca̱ nama̍ḥ svāyu̱dhāya̍ ca su̱dhanva̍ne ca̱
nama̱ḥ srutyā̍ya ca̱ pathyā̍ya ca̱ nama̍ḥ kā̱ṭyā̍ya ca nī̱pyā̍ya ca̱
nama̱ḥ sūdyā̍ya ca sara̱syā̍ya ca̱ namo̍ nā̱dyāya̍ ca vaiśa̱ntāya̍ ca̱
nama̱ḥ kūpyā̍ya cāva̱ṭyā̍ya ca̱ namo̱ varṣyā̍ya cāva̱rṣyāya̍ ca̱
namo̍ me̱ghyā̍ya ca vidyu̱tyā̍ya ca̱ nama̍ ī̱dhriyā̍ya cāta̱pyā̍ya ca̱
namo̱ vātyā̍ya ca̱ reṣmi̍yāya ca̱ namo̍ vāsta̱vyā̍ya ca vāstu̱pāya̍ ca || 7 ||
nama̱ḥ somā̍ya ca ru̱drāya̍ ca̱ nama̍stā̱mrāya̍ cāru̱ṇāya̍ ca̱
nama̍ḥ śa̱ṅgāya̍ ca paśu̱pata̍ye ca̱ nama̍ u̱grāya̍ ca bhī̱māya̍ ca̱
namo̍ agreva̱dhāya̍ ca dūreva̱dhāya̍ ca̱
namo̍ ha̱ntre ca̱ hanī̍yase ca̱ namo̍ vṛ̱kṣebhyo̱ hari̍keśebhyo̱
nama̍stā̱rāya̱ nama̍śśa̱ṁbhave̍ ca mayo̱bhave̍ ca̱
nama̍ḥ śaṁka̱rāya̍ ca mayaska̱rāya̍ ca̱
nama̍ḥ śi̱vāya̍ ca śi̱vata̍rāya ca̱
nama̱stīrthyā̍ya ca̱ kūlyā̍ya ca̱
nama̍ḥ pā̱ryā̍ya cāvā̱ryā̍ya ca̱
nama̍ḥ pra̱tara̍ṇāya co̱ttara̍ṇāya ca̱
nama̍ ātā̱ryā̍ya cālā̱dyā̍ya ca̱
nama̱ḥ śaṣpyā̍ya ca̱ phenyā̍ya ca̱
nama̍ḥ sika̱tyā̍ya ca pravā̱hyā̍ya ca || 8 ||
nama̍ iri̱ṇyā̍ya ca prapa̱thyā̍ya ca̱
nama̍ḥ kiśi̱lāya ca̱ kṣaya̍ṇāya ca̱
nama̍ḥ kapa̱rdine̍ ca pula̱staye̍ ca̱
namo̱ goṣṭhyā̍ya ca̱ gṛhyā̍ya ca̱
nama̱stalpyā̍ya ca̱ gehyā̍ya ca̱
nama̍ḥ kā̱ṭyā̍ya ca gahvare̱ṣṭhāya̍ ca̱
namo̎ hrada̱yyā̍ya ca nive̱ṣpyā̍ya ca̱
nama̍ḥ pāsa̱vyā̍ya ca raja̱syā̍ya ca̱
nama̱ḥ śuṣkyā̍ya ca hari̱tyā̍ya ca̱
namo̱ lopyā̍ya cola̱pyā̍ya ca̱
nama̍ ū̱rvyā̍ya ca sū̱rmyā̍ya ca̱
nama̍ḥ pa̱rṇyā̍ya ca parṇaśa̱dyā̍ya ca̱
namo̍'pagu̱ramā̍ṇāya cābhighna̱te ca̱
nama̍ ākhkhida̱te ca̍ prakhkhida̱te ca̱
namo̍ vaḥ kiri̱kebhyo̍ de̱vānā̱̱ hṛda̍yebhyo̱
namo̍ vikṣīṇa̱kebhyo̱ namo̍ vicinva̱tkebhyo̱
nama̍ ānirha̱tebhyo̱ nama̍ āmīva̱tkebhya̍ḥ || 9 ||
drāpe̱ andha̍saspate̱ dari̍dra̱nnīla̍lohita |
e̱ṣāṁ puru̍ṣāṇāme̱ṣāṁ pa̍śū̱nāṁ mā bhermā'ro̱ mo e̍ṣā̱ṁ
kiṁca̱nāma̍mat ||
yā te̍ rudra śi̱vā ta̱nūḥ śi̱vā vi̱śvāha̍ bheṣajī |
śi̱vā ru̱drasya̍ bheṣa̱jī tayā̍ no mṛḍa jī̱vase̎ ||
i̱mā ru̱drāya̍ ta̱vase̍ kapa̱rdine̎ kṣa̱yadvī̍rāya̱ prabha̍rāmahe ma̱tim||
yathā̍ na̱ḥ śamasa̍ddvi̱pade̱ catu̍ṣpade̱ viśva̍ṁ pu̱ṣṭaṁ grāme̍
a̱sminnanā̍turam ||
mṛ̱ḍā no̍ rudro̱ta no̱ maya̍skṛdhi kṣa̱yadvī̍rāya̱ nama̍sā vidhema te |
yacchaṁ ca̱ yośca̱ manu̍rāya̱je pi̱tā tada̍śyāma̱ tava̍ rudra̱ praṇī̍tau ||
mā no̍ ma̱hānta̍mu̱ta mā no̍ arbha̱kaṁ
mā na̱ ukṣa̍nta-mu̱ta mā na̍ ukṣi̱tam |
mā no̍'vadhīḥ pi̱taraṁ̱ mota mā̱tara̍ṁ pri̱yā mā
na̍sta̱nuvo̍ rudra rīriṣaḥ ||
māna̍sto̱ke tana̍ye̱ mā na̱ āyu̍ṣi̱ mā no̱ goṣu̱
mā no̱ aśve̍ṣu rīriṣaḥ |
vī̱rānmā no̍ rudra bhāmi̱to'va̍dhī-rha̱viṣma̍nto̱
nama̍sā vidhema te ||
ā̱rātte̍ go̱ghna u̱ta pū̍ruṣa̱ghne kṣa̱yadvī̍rāya
su̱mnama̱sme te̍ astu |
rakṣā̍ ca no̱ adhi̍ ca deva brū̱hyadhā̍ ca naḥ̱
śarma̍ yaccha dvi̱barhā̎ḥ ||
stu̱hi śru̱taṁ ga̍rta̱sada̱ṁ yuvā̍naṁ mṛ̱ganna bhī̱ma-mu̍paha̱tnumu̱gram |
mṛ̱ḍā ja̍ri̱tre ru̍dra̱ stavā̍no a̱nyante̍
a̱smanniva̍pantu̱ senā̎ḥ ||
pari̍ṇo ru̱drasya̍ he̱tirvṛ̍ṇaktu̱ pari̍ tve̱ṣasya̍ durma̱tira̍ghā̱yoḥ |
ava̍ sthi̱rā ma̱ghava̍dbhyastanuṣva̱ mīḍhva̍sto̱kāya̱
tana̍yāya mṛuḍaya ||
mīḍhu̍ṣṭama̱ śiva̍tama śi̱vo na̍ḥ su̱manā̍ bhava |
pa̱ra̱me vṛ̱kṣa āyu̍dhanni̱dhāya̱ kṛtti̱ṁ vasā̍na̱
āca̍ra̱ pinā̍ka̱ṁ bibhra̱dāga̍hi ||
viki̍rida̱ vilo̍hita̱ nama̍ste astu bhagavaḥ |
yāste̍ sa̱hasra̍ he̱tayo̱nyama̱smanniva̍pantu̱ tāḥ ||
sa̱hasrā̍ṇi sahasra̱dhā bā̍hu̱vostava̍ he̱taya̍ḥ |
tāsā̱mīśā̍no bhagavaḥ parā̱cīnā̱ mukhā̍ kṛdhi || 10 ||
sa̱hasrā̍ṇi sahasra̱śo ye ru̱drā adhi̱ bhūmyā̎m |
teṣā̍ sahasrayoja̱ne'va̱dhanvā̍ni tanmasi ||
a̱smin ma̍ha̱tya̍rṇa̱ve̎'ntari̍kṣe bha̱vā adhi̍ ||
nīla̍grīvāḥ śiti̱kaṇṭhā̎ḥ śa̱rvā a̱dhaḥ kṣa̍māca̱rāḥ ||
nīla̍grīvāḥ śiti̱kaṇṭhā̱ diva̍ ru̱drā upa̍śritāḥ ||
ye vṛ̱kṣeṣu̍ sa̱spiṁja̍rā̱ nīla̍grīvā̱ vilo̍hitāḥ ||
ye bhū̱tānā̱madhi̍patayo viśi̱khāsa̍ḥ kapa̱rdina̍ḥ ||
ye anne̍ṣu vi̱vidhya̍nti̱ pātre̍ṣu̱ piba̍to̱ janān̍ || |
ye pa̱thāṁ pa̍thi̱rakṣa̍ya ailabṛ̱dā ya̱vyudha̍ḥ ||
ye tī̱rthāni̍ pra̱cara̍nti sṛ̱kāva̍nto niṣa̱ṅgiṇa̍ḥ ||
ya e̱tāva̍ntaśca̱ bhūyā̍saśca̱ diśo̍ ru̱drā vi̍tasthi̱re
teṣā̍ sahasra-yoja̱ne'va̱dhanvā̍ni tanmasi ||
namo̍ ru̱drebhyo̱ ye pṛ̍thi̱vyāṁ ye̎'ntari̍kṣe̱
ye di̱vi yeṣā̱manna̱ṁ vāto̍ va̱rṣamiṣa̍va̱stebhyo̱ daśa̱
prācī̱rdaśa̍ dakṣi̱ṇā daśa̍ pra̱tīcī̱rdaśodī̍cīrdaśo̱rdhvāstebhyo̱
nama̱ste no̍ mṛḍayantu̱ te yaṁ dvi̱ṣmo yaśca̍ no̱ dveṣṭi̱
taṁ vo̱ jambhe̍ dadhāmi || 11 ||
trya̍ṁbakaṁ yajāmahe suga̱ndhiṁ pu̍ṣṭi̱vardha̍nam |
u̱rvā̱ru̱kami̍va̱ bandha̍nānmṛ̱tyo-rmu̍kṣīya̱ mā'mṛtā̎t ||
yo ru̱dro a̱gnau yo a̱psu ya oṣa̍dhīṣu̱
yo ru̱dro viśvā̱ bhuva̍nā''vi̱veśa̱
tasmai̍ ru̱drāya̱ namo̍ astu ||
tamu̍ṣṭu̱hi̱ yaḥ svi̱ṣuḥ su̱dhanvā̱ yo viśva̍sya̱ kṣaya̍ti bheṣa̱jasya̍ |
yakṣvā̎ma̱he sau̎mana̱sāya̍ ru̱draṁ namo̎bhirde̱vamasu̍raṁ duvasya ||
a̱yaṁ me̱ hasto̱ bhaga̍vāna̱yaṁ me̱ bhaga̍vattaraḥ |
a̱yaṁ me̎ vi̱śvabhe̎ṣajo̱'ya śi̱vābhi̍marśanaḥ ||
ye te̍ sa̱hasra̍ma̱yuta̱ṁ pāśā̱ mṛtyo̱ martyā̍ya̱ hanta̍ve |
tān ya̱jñasya̍ mā̱yayā̱ sarvā̱nava̍ yajāmahe |
mṛ̱tyave̱ svāhā̍ mṛ̱tyave̱ svāhā̎ ||
oṁ namo bhagavate rudrāya viṣṇave mṛtyu̍rme pā̱hi |
prāṇānāṁ granthirasi rudro mā̍ viśā̱ntakaḥ |
tenānnenā̎pyāya̱sva ||
namo rudrāya viṣṇave mṛtyu̍rme pā̱hi
|| oṁ śānti̱ḥ śānti̱ḥ śānti̍ḥ ||
|| camakapraśnaḥ ||
om agnā̍viṣṇū sa̱joṣa̍se̱mā va̍rdhantu vā̱ṁ gira̍ḥ |
dyu̱mnairvāje̍bhi̱rāga̍tam ||
vāja̍śca me prasa̱vaśca̍ me̱ praya̍tiśca me̱ prasi̍tiśca me
dhī̱tiśca̍ me̱ kratu̍śca me̱ svara̍śca me̱ śloka̍śca me
śrā̱vaśca̍ me̱ śruti̍śca me̱ jyoti̍śca me̱ suva̍śca me
prā̱ṇaśca̍ me'pā̱naśca̍ me vyā̱naśca̱ me'su̍śca me
ci̱ttaṁ ca̍ ma̱ ādhī̍taṁ ca me̱ vākca̍ me̱ mana̍śca me̱
cakṣu̍śca me̱ śrotra̍ṁ ca me̱ dakṣa̍śca me̱
bala̍ṁ ca ma̱ oja̍śca me̱ saha̍śca ma̱ āyu̍śca me
ja̱rā ca̍ ma ā̱tmā ca̍ me ta̱nūśca̍ me̱ śarma̍ ca me̱
varma̍ ca me̱'ṅgā̍ni ca me̱'sthāni̍ ca me̱
parū̍ṣi ca me̱ śarī̍rāṇi ca me || 1||
jyaiṣṭhya̍ṁ ca ma̱ ādhi̍patyaṁ ca me ma̱nyuśca̍ me̱
bhāma̍śca̱ me'ma̍śca̱ me'mbha̍śca me je̱mā ca̍ me
mahi̱mā ca̍ me vari̱mā ca̍ me prathi̱mā ca̍ me va̱rṣmā ca̍ me
drāghu̱yā ca̍ me vṛ̱ddhaṁ ca̍ me̱ vṛddhi̍śca me sa̱tyaṁ ca̍ me
śra̱ddhā ca̍ me̱ jaga̍cca me̱ dhana̍ṁ ca me̱ vaśa̍śca me̱
tviṣi̍śca me krī̱ḍā ca̍ me̱ moda̍śca me jā̱taṁ ca̍ me
jani̱ṣyamā̍ṇaṁ ca me sū̱ktaṁ ca̍ me sukṛ̱taṁ ca̍ me
vi̱ttaṁ ca̍ me̱ vedya̍ṁ ca me bhū̱taṁ ca̍ me
bhavi̱ṣyacca̍ me su̱gaṁ ca̍ me su̱patha̍ṁ ca ma
ṛ̱ddhaṁ ca̍ ma̱ ṛddhi̍śca me kḷ̱ptaṁ ca̍ me̱ kḷpti̍śca me
ma̱tiśca̍ me suma̱tiśca̍ me || 2||
śaṁ ca̍ me̱ maya̍śca me pri̱yaṁ ca̍ me'nukā̱maśca̍ me̱
kāma̍śca me saumana̱saśca̍ me bha̱draṁ ca̍ me̱
śreya̍śca me̱ vasya̍śca me̱ yaśa̍śca me̱ bhaga̍śca me̱
dravi̍ṇaṁ ca me ya̱ntā ca me dha̱rtā ca me̱ kṣema̍śca me̱
dhṛti̍śca me̱ viśva̍ṁ ca me̱ maha̍śca me sa̱ṁvicca̍ me̱
jñātra̍ṁ ca me̱ sūśca̍ me pra̱sūśca̍ me̱ sīra̍ṁ ca me
la̱yaśca̍ ma ṛ̱taṁ ca̍ me̱'mṛta̍ṁ ca me'ya̱kṣmaṁ ca̱ me'nā̍mayacca me
jī̱vātuśca me dīrghāyu̱tvaṁ ca̍ me'nami̱traṁ ca̱ me'bha̍yaṁ ca me
su̱gaṁ ca̍ me̱ śaya̍naṁ ca me sū̱ṣā ca̍ me su̱dina̍ṁ ca me || 3||
ūrkca̍ me sū̱nṛtā̍ ca me̱ paya̍śca me̱ rasa̍śca me
ghṛ̱taṁ ca̍ me̱ madhu̍ ca me̱ sagdhi̍śca me̱
sapī̍tiśca me kṛ̱ṣiśca̍ me̱ vṛṣṭi̍śca me̱ jaitra̍ṁ ca ma̱
audbhi̍dyaṁ ca me ra̱yiśca̍ me̱ rāya̍śca me pu̱ṣṭaṁ ca̍ me̱
puṣṭi̍śca me vi̱bhu ca̍ me pra̱bhu ca̍ me ba̱hu ca̍ me̱
bhūya̍śca me pū̱rṇaṁ ca̍ me pū̱rṇata̍raṁ ca̱ me'kṣi̍tiśca me̱
kūya̍vāśca̱ me'nna̍ṁ ca̱ me'kṣu̍cca me vrī̱hiya̍śca me̱
yavā̎śca me̱ māṣā̎śca me̱ tilā̎śca me mu̱dgāśca̍ me
kha̱lvā̎śca me go̱dhūmā̎śca me ma̱surā̎śca me
pri̱yaṁga̍vaśca̱ me'ṇa̍vaśca me śyā̱makā̎śca me nī̱vārā̎śca me || 4||
aśmā̍ ca me̱ mṛtti̍kā ca me gi̱raya̍śca me̱ parva̍tāśca me̱
sika̍tāśca me̱ vana̱spata̍yaśca me̱ hira̍ṇyaṁ ca̱ me'ya̍śca me̱
sīsa̍ṁ ca me̱ trapu̍śca me śyā̱maṁ ca̍ me
lo̱haṁ ca̍ me̱'gniśca̍ ma̱ āpa̍śca me vī̱rudha̍śca ma̱
oṣa̍dhayaśca me kṛṣṭapa̱cyaṁ ca̍ me'kṛṣṭapa̱cyaṁ ca̍ me
grā̱myāśca̍ me pa̱śava̍ āra̱ṇyāśca̍ ya̱jñena̍ kalpantāṁ
vi̱ttaṁ ca me̱ vitti̍śca me bhū̱taṁ ca̍ me̱
bhūti̍śca me vasu̍ ca me vasa̱tiśca̍ me̱ karma̍ ca me̱
śakti̍śca̱ me'rtha̍śca ma̱ ema̍śca ma̱ iti̍śca me̱
gati̍śca me || 5||
a̱gniśca̍ ma̱ indra̍śca me̱ soma̍śca ma̱ indra̍śca me
savi̱tā ca̍ ma̱ indra̍śca me̱ sara̍svatī ca ma̱ indra̍śca me
pū̱ṣā ca̍ ma̱ indra̍śca me̱ bṛha̱spati̍śca ma̱ indra̍śca me
mi̱traśca̍ ma̱ indra̍śca me̱ varu̍ṇaśca ma̱ indra̍śca me̱
tvaṣṭā̍ ca ma̱ indra̍śca me dhā̱tā ca̍ ma̱ indra̍śca me̱
viṣṇu̍śca ma̱ indra̍śca me̱'śvinau̍ ca ma̱ indra̍śca me
ma̱ruta̍śca ma̱ indra̍śca me̱ viśve̍ ca me de̱vā indra̍śca me
pṛthi̱vī ca ̍ ma̱ indra̍śca me̱'ntari̍kṣaṁ ca ma̱ indra̍śca me̱
dyauśca̍ ma̱ indra̍śca me̱ diśa̍śca ma̱ indra̍śca me
mū̱rdhā ca̍ ma̱ indra̍śca me pra̱jāpa̍tiśca ma̱ indra̍śca me || 6||
a̱̱śuśca̍ me ra̱śmiśca̱ me'dā̎bhyaśca̱ me'dhi̍patiśca ma
upā̱̱śuśca̍ me'ntaryā̱maśca̍ ma aindravāya̱vaśca̍ me
maitrāvaru̱ṇaśca̍ ma āśvi̱naśca̍ me pratipra̱sthāna̍śca me
śu̱kraśca̍ me ma̱nthī ca̍ ma āgraya̱ṇaśca̍ me vaiśvade̱vaśca̍ me
dhru̱vaśca̍ me vaiśvāna̱raśca̍ ma ṛtugra̱hāśca̍ me'tigrā̱hyā̎śca ma
aindrā̱gnaśca̍ me vaiśvade̱vaśca̍ me marutva̱tīyā̎śca me
māhe̱ndraśca̍ ma ādi̱tyaśca̍ me sāvi̱traśca̍ me sārasva̱taśca̍ me
pau̱ṣṇaśca̍ me pātnīva̱taśca̍ me hāriyoja̱naśca̍ me || 7||
i̱dhmaśca̍ me ba̱rhiśca̍ me̱ vedi̍śca me̱ dhiṣṇi̍yāśca me̱
sruca̍śca me cama̱sāśca̍ me̱ grāvā̍ṇaśca me̱
svara̍vaśca ma upara̱vāśca̍ me'dhi̱ṣava̍ṇe ca me
droṇakala̱śaśca̍ me vāya̱vyā̍ni ca me pūta̱bhṛcca̍ ma
ādhava̱nīya̍śca ma̱ āgnī̎dhraṁ ca me havi̱rdhāna̍ṁ ca me
gṛ̱hāśca̍ me̱ sada̍śca me puro̱ḍāśā̎śca me
paca̱tāśca̍ me'vabhṛ̱thaśca̍ me svagākā̱raśca̍ me || 8||
a̱gniśca̍ me gha̱rmaśca̍ me̱'rkaśca̍ me̱
sūrya̍śca me prā̱ṇaśca̍ me'śvame̱dhaśca̍ me
pṛthi̱vī ca̱ me'di̍tiśca me̱ diti̍śca me̱ dyauśca̍ me̱
śakkva̍rīra̱ṅgula̍yo̱ diśa̍śca me ya̱jñena̍
kalpantā̱mṛkca̍ me̱ sāma̍ ca me̱ stoma̍śca me̱ yaju̍śca me
dī̱kṣā ca̍ me̱ tapa̍śca ma ṛ̱tuśca̍ me
vra̱taṁ ca̍ me'horā̱trayo̎rvṛ̱ṣṭyā bṛ̍hadrathanta̱re ca̍ me
ya̱jñena̍ kalpetām || 9||
garbhā̎śca me va̱tsāśca̍ me̱ tryavi̍śca me trya̱vī ca̍ me
ditya̱vāṭ ca̍ me dityau̱hī ca̍ me̱ pañcā̍viśca me
pañcā̱vī ca̍ me triva̱tsaśca̍ me triva̱tsā ca̍ me
turya̱vāṭ ca̍ me turyau̱hī ca̍ me paṣṭha̱vāṭ ca̍ me
paṣṭhau̱hī ca̍ ma u̱kṣā ca̍ me va̱śā ca̍ ma
ṛṣa̱bhaśca̍ me ve̱hacca̍ me'na̱ḍvāñca̍ me
dhe̱nuśca̍ ma̱ āyu̍rya̱jñena̍ kalpatāṁ
prā̱ṇo ya̱jñena̍ kalpatāmapā̱no ya̱jñena̍ kalpatāṁ vyā̱no ya̱jñena̍ kalpatā̱ṁ
cakṣu̍rya̱jñena̍ kalpatā̱̱ śrotra̍ṁ ya̱jñena̍ kalpatā̱ṁ
mano̍ ya̱jñena̍ kalpatā̱ṁ vāgya̱jñena̍ kalpatāmā̱tmā ya̱jñena̍ kalpatāṁ
ya̱jño ya̱jñena̍ kalpatām || 10 ||
ekā̍ ca me ti̱sraśca̍ me̱ pañca̍ ca me sa̱pta ca̍ me̱
nava̍ ca ma̱ ekā̍daśa ca me̱ trayo̍daśa ca me̱ pañca̍daśa ca me
sa̱ptada̍śa ca me̱ nava̍daśa ca ma̱ eka̍viśatiśca me̱
trayo̍viśatiśca me̱ pañca̍viśatiśca me
sa̱ptavi̍śatiśca me̱ nava̍viśatiśca ma̱
eka̍triśacca me̱ traya̍striśacca me̱
cata̍sraśca me̱'ṣṭau ca̍ me̱ dvāda̍śa ca me̱
ṣoḍa̍śa ca me viśa̱tiśca̍ me̱
catu̍rviśatiśca me̱'ṣṭāvi̍śatiśca me̱ dvātri̍śacca me̱
ṣaṭtri̍śacca me catvari̱̱śacca̍ me̱
catu̍ścatvāriśacca me̱'ṣṭāca̍tvāriśacca me̱
vāja̍śca prasa̱vaścā̍pi̱jaśca̱ kratu̍śca̱ suva̍śca
mū̱rdhā ca̱ vyaśni̍yaścāntyāya̱naścāntya̍śca
bhauva̱naśca̱ bhuva̍na̱ścādhi̍patiśca || 11||
om iḍā̍ deva̱hūrmanu̍ryajña̱nīrbṛha̱spati̍rukthāma̱dāni̍
śasiṣa̱dviśve̍de̱vāḥ sū̎kta̱vācaḥ̱
pṛthi̍vīmāta̱rmā mā̍ hisī̱rmadhu̍ maniṣye̱
madhu̍ janiṣye̱ madhu̱ vakṣyāmi̱ madhu̍ vadiṣyāmi̱
madhu̱matīṁ de̱vebhyo̱ vāca̍mudyāsa śuśrū̱ṣeṇyā̎ṁ
manu̱ṣye̎bhya̱staṁ mā̍ de̱vā a̍vantu śo̱bhāyai̍
pi̱taro'nu̍madantu ||
|| om śāntiḥ śāntiḥ śāntiḥ ||
|| iti śrī kṛṣṇayajurvedīya taittirīya saṁhitāyāṁ
caturthakāṇḍe saptamaḥ prapāṭhakaḥ ||
This page contains Laghunyasam, Rudram and Chamakam with vedic svara in IPA English.
|| śrī rudrapraśnaḥ ||
|| laghunyāsaḥ ||
oṁ athātmāna śivātmānag śrī rudrarūpaṁ dhyāyet ||
śuddhasphaṭika saṁkāśaṁ trinetraṁ pañca vaktrakam |
gaṅgādharaṁ daśabhujaṁ sarvābharaṇa bhūṣitam ||
nīlagrīvam śaśāṅkāṅkaṁ nāga yajñopa vītinam |
vyāghra carmottarīyaṁ ca vareṇyamabhaya pradam ||
kamanḍalvakṣa sūtrāṇāṁ dhāriṇaṁ śūlapāṇinam |
jvalantaṁ piṅgalajaṭā śikhā muddyota dhāriṇam ||
vṛṣa skandha samārūḍhaṁ umā dehārtha dhāriṇam |
amṛtenāplutaṁ śāntaṁ divyabhoga samanvitam ||
digdevatā samāyuktaṁ surāsura namaskṛtam |
nityaṁ ca śāśvataṁ śuddhaṁ dhruvamakṣaramavyayam |
sarva vyāpina mīśānaṁ rudraṁ vai viśvarūpiṇam |
evaṁ dhyātvā dvijaḥ samyak tato yajanamārabhet ||
athāto rudra snānārcanābhiṣeka vidhiṁ vyākhyāsyāmaḥ |
ādita eva tīrthe snātvā udetya śuciḥ prayato brahmacārī
śuklavāsā devābhimukhaḥ sthitvā ātmani devatāḥ sthāpayet ||
prajanane brahmā tiṣṭhatu | pādayor viṣṇustiṣṭhatu |
hastayor harastiṣṭhatu | bāhvorindrastiṣṭhatu | jaṭhare'gnistiṣṭhatu |
hṛdaye śivastiṣṭhatu | kaṇṭhe vasavastiṣṭhantu | vaktre sarasvatī tiṣṭhatu |
nāsikayor vāyustiṣṭhatu | nayanayoścandrādityau tiṣṭhetām |
karṇayoraśvinau tiṣṭetām | lalāṭe rudrāstiṣṭhantu |
mūrdhnyādityāstiṣṭhantu | śirasi mahādevastiṣṭhatu |
śikhāyāṁ vāmadevastiṣṭhatu | pṛṣṭhe pinākī tiṣṭhatu |
purataḥ śūlī tiṣṭhatu | pārśvayoḥ śivāśankarau tiṣṭhetām |
sarvato vāyustiṣṭhatu | tato bahiḥ sarvato'gnir jvālāmālā parivṛtastiṣṭhatu |
sarveṣvaṅgeṣu sarvā devatā yathāsthānaṁ tiṣṭhantu | mā rakṣantu |
a̱gnirme̍ vā̱ci śri̱taḥ | vāgdhṛda̍ye | hṛda̍ya̱ṁ mayi̍ |
a̱hama̱mṛte̎ | a̱mṛta̱ṁ brahma̍ṇi |
vā̱yurme̎ prā̱ṇe śri̱taḥ | prā̱ṇo hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
sūryo̍ me̱ cakṣuṣi śri̱taḥ | cakṣu̱r hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
ca̱ndramā̍ me̱ mana̍si śri̱taḥ | mano̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
diśo̍ me̱ śrotre̎ śri̱tāḥ | śrotra̱̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
āpo̍ me̱ reta̍si śri̱tāḥ | reto̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
pṛ̱thi̱vī me̱ śarī̍re śri̱tāḥ | śarī̍ra̱̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
o̱ṣa̱dhi̱ va̱na̱spa̱tayo̍ me̱ loma̍su śri̱tāḥ | lomā̍ni̱ hṛda̍ye |
hṛda̍ya̱ṁ mayi̍̍ | a̱hama̱mṛte̎ | a̱mṛta̱ṁ brahma̍ṇi |
indro̍ me̱ bale̎ śri̱taḥ | bala̱̱ hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
pa̱rjanyo̍ me̱ mū̱rdni śri̱taḥ | mū̱rdhā hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
īśā̍no me̱ manyau śri̱taḥ | manyur hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
ā̱tmā ma̍ ā̱tmani̍ śri̱taḥ | ātmā hṛda̍ye | hṛda̍ya̱ṁ mayi̍̍ |
a̱hama̱mṛte̎ | a̱mṛta̱ṁ brahma̍ṇi |
puna̍rma ā̱tmā puna̱rāyu̱ rāgā̎t | punaḥ̍ prā̱ṇaḥ puna̱rākū̍ta̱māgā̎t |
vai̱śvā̱na̱ro ra̱śmibhi̍r vāvṛdhā̱naḥ |
a̱ntasti̍ṣṭhatva̱mṛta̍sya go̱pāḥ ||
asya śrī rudrādhyāya praśna mahāmantrasya aghora ṛṣiḥ anuṣṭup candaḥ sankarṣaṇa mūrti svarūpo
yosāvādityaḥ paramapuruṣaḥ sa eṣa rudro devatā |
namaḥ śivāyeti bījam | śivatarāyeti śaktiḥ | mahādevāyeti kīlakam |
śrī sāmba sadāśiva prasāda siddhyarthe jape viniyogaḥ ||
om agnihotrātmane aṅguṣṭhābhyāṁ namaḥ |
darśapūrṇa māsātmane tarjanībhyāṁ namaḥ |
cātur māsyātmane madhyamābhyāṁ namaḥ | nirūḍha paśubandhātmane anāmikābhyāṁ namaḥ |
jyotiṣṭomātmane kaniṣṭhikābhyāṁ namaḥ |
sarvakratvātmane karatala karapṛṣṭhābhyāṁ namaḥ ||
agnihotrātmane hṛdayāya namaḥ |
darśapūrṇa māsātmane śirase svāhā |
cāturmāsyātmane śikhāyai vaṣaṭ |
nirūḍha paśubandhātmane kavacāya hum |
jyotiṣṭomātmane netratrayāya vauṣaṭ |
sarvakratvātmane astrāyaphaṭ |
bhūrbhuvassuvaromiti digbandhaḥ ||
dhyānam
āpātāḻa nabhaḥsthalānta bhuvana brahmāṇḍa māvisphurat jyotiḥ sphāṭika liṅga
mauḻi vilasat pūrṇendu vāntāmṛtaiḥ |
astokāpluta meka mīśa maniśaṁ rudrānu vākāñjapan dhyāye dīpsita siddhaye
dhruvapadaṁ viprobhiṣiñce cchivam ||
brahmāṇḍa vyāptadehā bhasita himarucā bhāsamānā bhujañgaiḥ
kaṇṭhe kālāḥ kapardāḥ kalita śaśikalā ścaṇḍa kodaṇḍa hastāḥ |
tryakṣā rudrākṣamālāḥ prakaṭitavibhavāḥ śāmbhavā mūrtibhedāḥ rudrāḥ śrīrudrasūkta
prakaṭitavibhavā naḥ prayacchantu saukhyam ||
om ga̱ṇānā̎ṁ tvā ga̱ṇapa̍ti havāmahe ka̱viṁ ka̍vī̱nāmu̍pa̱maśra̍vastamam |
jye̱ṣṭha̱rāja̱ṁ brahma̍ṇāṁ brahmaṇaspata̱ ā na̍ḥ śṛ̱ṇvannūtibhi̍ssīda̱ sāda̍nam ||
om śrī mahāgaṇapataye̱ namaḥ ||
śaṁ ca̍ me maya̍śca me priyaṁ ca̍ menukāmaśca̍ me kāma̍śca me
saumana̱saśca̍ me bha̱draṁ ca̍ me śreya̍śca me vasya̍śca me
yaśa̍śca me bhaga̍śca me dravi̍ṇaṁ ca me yantā ca̍ me
dhartā ca̍ me kṣema̍śca me dhṛti̍śca me viśva̍ṁ ca me
maha̍śca me samvicca̍ me gnyātra̍ṁ ca me sūśca̍ me prasūśca̍ me
sīra̍ṁ ca me layaśca̍ ma ṛtaṁ ca̍ memṛta̍ṁ ca meyakṣmaṁ ca menā̍mayacca me
jīvātu̍śca me dīrghāyutvaṁ ca̍ menamitraṁ ca mebha̍yaṁ ca me sugaṁ ca̍ me
śaya̍naṁ ca me sūṣā ca̍ me sudina̍ṁ ca me ||
oṁ śāntiḥ śāntiḥ śānti̍ḥ ||
|| śrī rudrapraśnaḥ ||
om namo bhagavate̍ rudrā̱ya ||
om nama̍ste rudra ma̱nyava̍ u̱tota̱ iṣa̍ve̱ nama̍ḥ|
nama̍ste astu̱ dhanva̍ne bā̱hubhyā̍mu̱ta te̱ nama̍ḥ||
yā ta̱ iṣu̍ḥ śi̱vata̍mā śi̱vam ba̱bhūva̍ te̱ dhanu̍ḥ|
śi̱vā śa̍ra̱vyā̍ yā tava̱ tayā̍ no rudra mṛḍaya||
yā te̍ rudra śi̱vā ta̱nūragho̱rā'pā̍pakāśinī |
tayā̍ nasta̱nuvā̱ śanta̍mayā̱ giri̍śantā̱bhicā̍kaśīhi||
yāmiṣuṁ̍ giriśaṁta̱ haste̱ bibha̱rṣyasta̍ve|
śi̱vāṁ gi̍ritra̱ tāṁ ku̍ru̱ mā hi̍sī̱ḥ puru̍ṣaṁ̱ jaga̍t ||
śi̱vena̱ vaca̍sā tvā̱ giri̱śācchā̍vadāmasi |
yathā̍ na̱ḥ sarva̱mijjaga̍daya̱kṣma su̱manā̱ asa̍t ||
adhya̍vocadadhiva̱ktā pra̍tha̱mo daivyo̍ bhi̱ṣak |
ahī̍śca sarvā̎ñja̱mbhaya̱nsarvā̎śca yātudhā̱nya̍ḥ ||
a̱sau yastā̱mro a̍ru̱ṇa u̱ta ba̱bhruḥ su̍ma̱ṅgala̍ḥ |
ye ce̱mā ru̱drā a̱bhito̍ di̱kṣu śri̱tāḥ sa̍hasra̱śo'vai̍ṣā̱̱ heḍa̍ īmahe ||
a̱sau yo̍'va̱sarpa̍ti̱ nīla̍grīvo̱ vilo̍hitaḥ |
u̱tainaṁ̍ go̱pā a̍dṛśa̱nna̱dṛ̍śannudahā̱rya̍ḥ ||
u̱tainaṁ̱ viśvā̍ bhū̱tāni̱ sa dṛ̱ṣṭo mṛ̍ḍayāti naḥ |
namo̍ astu̱ nīla̍grīvāya sahasrā̱kṣāya̍ mīḍhuṣe̎ ||
atho̱ ye a̍sya̱ satvā̍no̱'haṁ tebhyo̍'kara̱n nama̍ḥ |
pramu̍ñca̱ dhanva̍na̱stva-mu̱bhayo̱rārtni̍yo̱rjyām ||
yāśca̍ te̱ hasta̱ iṣa̍va̱ḥ parā̱ tā bha̍gavo vapa |
a̱va̱tatya̱ dhanu̱stava saha̍srākṣa̱ śate̍ṣudhe ||
ni̱śīrya̍ śa̱lyānā̱ṁ mukhā̍ śi̱vo na̍ḥ su̱manā̍ bhava |
vijyaṁ̱ dhanu̍ḥ kapa̱rdino̱ viśa̍lyo̱ bāṇa̍vā u̱ta ||
ane̍śanna̱syeṣa̍va ā̱bhura̍sya niṣa̱ṅgathi̍ḥ |
yā te̍ he̱tirmī̍ḍhuṣṭama̱ haste̍ ba̱bhūva̍ te̱ dhanu̍ḥ ||
tayā̱'smān vi̱śvata̱stvama̍ya̱kṣmayā̱ pari̍bbhuja |
nama̍ste a̱stvāyu̍dhā̱yānā̍tatāya dhṛ̱ṣṇave̎ ||
u̱bhābhyā̍mu̱ta te̱ namo̍ bā̱hubhyā̱m tava̱ dhanva̍ne |
pari̍ te̱ dhanva̍no he̱tira̱smānvṛ̍ṇaktu vi̱śvata̍ḥ ||
atho̱ ya i̍ṣu̱dhistavā̱re a̱smannidhe̍hi̱ tam || 1 ||
nama̍ste astu bhagavanviśveśva̱rāya̍ mahāde̱vāya̍ tryamba̱kāya̍
tripurānta̱kāya̍ trikāgnikā̱lāya̍ kālāgniru̱drāya̍ var trikālāgni
nīlaka̱ṇṭhāya̍ mṛtyuṁja̱yāya̍ sarveśva̱rāya̍
sadāśi̱vāya̍ śrīmanmahāde̱vāya̱ nama̍ḥ ||
namo̱ hira̍ṇyabāhave senā̱nye̍ di̱śāṁ ca̱ pata̍ye̱ namo̱
namo̍ vṛ̱kṣebhyo̱ hari̍keśebhyaḥ paśū̱nāṁ pata̍ye̱ namo̱
nama̍ḥ sa̱spiñja̍rāya̱ tviṣī̍mate pathī̱nāṁ pata̍ye̱ namo̱
namo̍ babhlu̱śāya̍ vivyā̱dhine'nnā̍nā̱ṁ pata̍ye namo̱
namo̱ hari̍keśāyopavī̱tine̍ pu̱ṣṭāṇā̱ṁ pata̍ye namo̱
namo̍ bha̱vasya̍ he̱tyai jaga̍tā̱ṁ pata̍ye̱ namo̱
namo̍ ru̱drāyā̍tatā̱vine̱ kṣetrā̍ṇā̱ṁ pata̍ye̱ namo̱
namassū̱tāyāha̍ntyāya̱ vanā̍nā̱ṁ pata̍ye̱ namo̱
namo̱ rohi̍tāya stha̱pata̍ye vṛ̱kṣāṇa̱ṁ pata̍ye̱ namo̱
namo̍ ma̱ntriṇe̍ vāṇi̱jāya̱ kakṣā̍ṇa̱ṁ pata̍ye namo̱
namo̍ bhuva̱ṁtaye̍ vārivaskṛ̱dhāyauṣa̍dhīnā̱ṁ pata̍ye̱ namo̱
nama̍ u̱ccairgho̍ṣāyākra̱ndaya̍te pattī̱nām pata̍ye̱ namo̱
nama̍ḥ kṛtsnavī̱tāya̱ dhāva̍te̱ satva̍nā̱ṁ pata̍ye̱ nama̍ḥ || 2 ||
nama̱ḥ saha̍mānāya nivyā̱dina̍ āvyā̱dhinī̍nā̱ṁ pata̍ye̱ namo̱
nama̍ḥ kaku̱bhāya̍ niṣa̱ṅgiṇe̎ ste̱nānā̱ṁ pata̍ye̱ namo̱
namo̍ niṣa̱ṅgiṇa̍ iṣudhi̱mate̱ taska̍rāṇā̱ṁ pata̍ye̱ namo̱
namo̱ vañca̍te pari̱vañca̍te stāyū̱nāṁ pata̍ye̱ namo̱
namo̍ nice̱rave̍ parica̱rāyāra̍ṇyānā̱ṁ pata̍ye̱ namo̱
nama̍ḥ sṛkā̱vibhyo̱ jighā̍sadbhyo muṣṇa̱tāṁ pata̍ye̱ namo̱
namo̍'si̱madbhyo̱ nakta̱ṁcara̍dbhyaḥ prakṛ̱ntānā̱ṁ pata̍ye̱ namo̱
nama̍ uṣṇī̱ṣine̍ girica̱rāya̍ kulu̱ñcānā̱ṁ pata̍ye̱ namo̱
nama̱ iṣu̍madbhyo dhanvā̱vibhya̍śca vo̱ namo̱
nama̍ ātanvā̱nebhya̍ prati̱dadhā̍nebhyaśca vo̱ namo̱
nama̍ ā̱yaccha̍dbhyo visṛ̱jadbhya̍śca vo̱ namo̱
namo'sya̍dbhyo̱ vidhya̍dbhyaśca vo̱ namo̱
nama̱ āsī̍nebhya̱ḥ śayā̍nebhyaśca vo̱ namo̱
nama̍ḥ sva̱padbhyo̱ jāgra̍dbhyaśca vo̱ namo̱
nama̱stiṣṭha̍dbhyo̱ dhāva̍dbhyaśca vo̱ namo̱
nama̍ḥ sa̱bhābhya̍ḥ sa̱bhāpa̍tibhyaśca vo̱ namo̱
namo̱ aśve̱bhyo'śva̍patibhyaśca vo̱ nama̍ḥ || 3 ||
nama̍ āvya̱dhinī̎bhyo vi̱vidhya̍ntībhyaśca vo̱ namo̱
nama̱ uga̍ṇābhyastṛha̱tībhya̍śca vo̱ namo̱
namo̍ gṛ̱tsebhyo̍ gṛ̱tsapa̍tibhyaśca vo̱ namo̱
namo̱ vrāte̎bhyo̱ vrāta̍patibhyaśca vo̱ namo̱
namo̍ ga̱ṇebhyo̍ ga̱ṇapa̍tibhyaśca vo̱ namo̱
namo̱ virū̍pebhyo vi̱śvaru̍pebhyaśca vo̱ namo̱
namo̍ ma̱hadbhya̍ḥ kṣulla̱kebhya̍śca vo̱ namo̱
namo̍ ra̱thibhyo̍'ra̱thebhya̍śca vo̱ namo̱
namo̱ rathe̎bhyo̱ ratha̍patibhyaśca vo̱ namo̱
nama̱ḥ senā̎bhyaḥ senā̱nibhya̍śca vo̱ namo̱
nama̍ḥ kṣa̱ttṛbhya̍ḥ saṁgrahī̱tṛbhya̍śca vo̱ namo̱
nama̱stakṣa̍bhyo rathakā̱rebhya̍śca vo̱ namo̱
nama̱ḥ kulā̍lebhyaḥ ka̱rmāre̎bhyaśca vo̱ namo̱
nama̍ḥ puñjiṣṭe̎bhyo niṣā̱debhya̍śca vo̱ namo̱
nama̍ iṣu̱kṛdbhyo̍ dhanva̱kṛdbhya̍śca vo̱ namo̱
namo̍ mṛga̱yubhya̍ḥ śva̱nibhya̍śca vo̱ namo̱
nama̱ḥ śvabhya̱ḥ śvapa̍tibhyaśca vo̱ nama̍ḥ || 4 ||
namo̍ bha̱vāya̍ ca ru̱drāya̍ ca̱
nama̍ḥ śa̱rvāya̍ ca paśu̱pata̍ye ca̱
namo̱ nīla̍grīvāya ca śiti̱kaṇṭhā̍ya ca̱
nama̍ḥ kapa̱rdine̍ ca̱ vyu̍ptakeśāya ca̱
nama̍ḥ sahasrā̱kṣāya̍ ca śa̱tadha̍nvane ca̱
namo̍ giri̱śāya̍ ca śipivi̱ṣṭāya̍ ca̱
namo̍ mī̱ḍhuṣṭa̍māya̱ ceṣu̍mate ca̱
namo̎ hra̱svāya̍ ca vāma̱nāya̍ ca̱
namo̍ bṛha̱te ca̱ varṣī̍yase ca̱
namo̍ vṛ̱ddhāya̍ ca saṁ̱vṛdva̍ne ca̱
namo̱ agri̍yāya ca pratha̱māya̍ ca̱
nama̍ ā̱śave̍ cāji̱rāya̍ ca̱
nama̱ḥ śīghri̍yāya ca̱ śībhyā̍ya ca̱
nama̍ ū̱rmyā̍ya cāvasva̱nyā̍ya ca̱
nama̍ḥ srota̱syā̍ya ca̱ dvīpyā̍ya ca || 5 ||
namo̎ jye̱ṣṭhāya̍ ca kani̱ṣṭhāya̍ ca̱
nama̍ḥ pūrva̱jāya̍ cāpara̱jāya̍ ca̱
namo̍ madhya̱māya̍ cāpaga̱lbhāya̍ ca̱
namo̍ jagha̱nyā̍ya ca̱ budhni̍yāya ca̱
nama̍ḥ so̱bhyā̍ya ca pratisa̱ryā̍ya ca̱
namo̱ yāmyā̍ya ca̱ kṣemyā̍ya ca̱
nama̍ urva̱ryā̍ya ca̱ khalyā̍ya ca̱
nama̱ḥ ślokyā̍ya cā'vasā̱nyā̍ya ca̱
namo̱ vanyā̍ya ca̱ kakṣyā̍ya ca̱
nama̍ḥ śra̱vāya̍ ca pratiśra̱vāya̍ ca̱
nama̍ ā̱śuṣe̍ṇāya cā̱śura̍thāya ca̱
nama̱ḥ śūrā̍ya cāvabhinda̱te ca̱
namo̍ va̱rmiṇe̍ ca varū̱thine̍ ca̱
namo̍ bi̱lmine̍ ca kava̱cine̍ ca̱
nama̍ḥ śru̱tāya̍ ca śrutase̱nāya̍ ca || 6 ||
namo̍ dundu̱bhyā̍ya cāhana̱nyā̍ya ca̱ namo̍ dhṛ̱ṣṇave̍ ca pramṛ̱śāya̍ ca̱
namo̍ dū̱tāya̍ ca̱ prahi̍tāya ca̱ namo̍ niṣa̱ṅgiṇe̍ ceṣudhi̱mate̍ ca̱
nama̍stī̱kṣṇeṣa̍ve cāyu̱dhine̍ ca̱ nama̍ḥ svāyu̱dhāya̍ ca su̱dhanva̍ne ca̱
nama̱ḥ srutyā̍ya ca̱ pathyā̍ya ca̱ nama̍ḥ kā̱ṭyā̍ya ca nī̱pyā̍ya ca̱
nama̱ḥ sūdyā̍ya ca sara̱syā̍ya ca̱ namo̍ nā̱dyāya̍ ca vaiśa̱ntāya̍ ca̱
nama̱ḥ kūpyā̍ya cāva̱ṭyā̍ya ca̱ namo̱ varṣyā̍ya cāva̱rṣyāya̍ ca̱
namo̍ me̱ghyā̍ya ca vidyu̱tyā̍ya ca̱ nama̍ ī̱dhriyā̍ya cāta̱pyā̍ya ca̱
namo̱ vātyā̍ya ca̱ reṣmi̍yāya ca̱ namo̍ vāsta̱vyā̍ya ca vāstu̱pāya̍ ca || 7 ||
nama̱ḥ somā̍ya ca ru̱drāya̍ ca̱ nama̍stā̱mrāya̍ cāru̱ṇāya̍ ca̱
nama̍ḥ śa̱ṅgāya̍ ca paśu̱pata̍ye ca̱ nama̍ u̱grāya̍ ca bhī̱māya̍ ca̱
namo̍ agreva̱dhāya̍ ca dūreva̱dhāya̍ ca̱
namo̍ ha̱ntre ca̱ hanī̍yase ca̱ namo̍ vṛ̱kṣebhyo̱ hari̍keśebhyo̱
nama̍stā̱rāya̱ nama̍śśa̱ṁbhave̍ ca mayo̱bhave̍ ca̱
nama̍ḥ śaṁka̱rāya̍ ca mayaska̱rāya̍ ca̱
nama̍ḥ śi̱vāya̍ ca śi̱vata̍rāya ca̱
nama̱stīrthyā̍ya ca̱ kūlyā̍ya ca̱
nama̍ḥ pā̱ryā̍ya cāvā̱ryā̍ya ca̱
nama̍ḥ pra̱tara̍ṇāya co̱ttara̍ṇāya ca̱
nama̍ ātā̱ryā̍ya cālā̱dyā̍ya ca̱
nama̱ḥ śaṣpyā̍ya ca̱ phenyā̍ya ca̱
nama̍ḥ sika̱tyā̍ya ca pravā̱hyā̍ya ca || 8 ||
nama̍ iri̱ṇyā̍ya ca prapa̱thyā̍ya ca̱
nama̍ḥ kiśi̱lāya ca̱ kṣaya̍ṇāya ca̱
nama̍ḥ kapa̱rdine̍ ca pula̱staye̍ ca̱
namo̱ goṣṭhyā̍ya ca̱ gṛhyā̍ya ca̱
nama̱stalpyā̍ya ca̱ gehyā̍ya ca̱
nama̍ḥ kā̱ṭyā̍ya ca gahvare̱ṣṭhāya̍ ca̱
namo̎ hrada̱yyā̍ya ca nive̱ṣpyā̍ya ca̱
nama̍ḥ pāsa̱vyā̍ya ca raja̱syā̍ya ca̱
nama̱ḥ śuṣkyā̍ya ca hari̱tyā̍ya ca̱
namo̱ lopyā̍ya cola̱pyā̍ya ca̱
nama̍ ū̱rvyā̍ya ca sū̱rmyā̍ya ca̱
nama̍ḥ pa̱rṇyā̍ya ca parṇaśa̱dyā̍ya ca̱
namo̍'pagu̱ramā̍ṇāya cābhighna̱te ca̱
nama̍ ākhkhida̱te ca̍ prakhkhida̱te ca̱
namo̍ vaḥ kiri̱kebhyo̍ de̱vānā̱̱ hṛda̍yebhyo̱
namo̍ vikṣīṇa̱kebhyo̱ namo̍ vicinva̱tkebhyo̱
nama̍ ānirha̱tebhyo̱ nama̍ āmīva̱tkebhya̍ḥ || 9 ||
drāpe̱ andha̍saspate̱ dari̍dra̱nnīla̍lohita |
e̱ṣāṁ puru̍ṣāṇāme̱ṣāṁ pa̍śū̱nāṁ mā bhermā'ro̱ mo e̍ṣā̱ṁ
kiṁca̱nāma̍mat ||
yā te̍ rudra śi̱vā ta̱nūḥ śi̱vā vi̱śvāha̍ bheṣajī |
śi̱vā ru̱drasya̍ bheṣa̱jī tayā̍ no mṛḍa jī̱vase̎ ||
i̱mā ru̱drāya̍ ta̱vase̍ kapa̱rdine̎ kṣa̱yadvī̍rāya̱ prabha̍rāmahe ma̱tim||
yathā̍ na̱ḥ śamasa̍ddvi̱pade̱ catu̍ṣpade̱ viśva̍ṁ pu̱ṣṭaṁ grāme̍
a̱sminnanā̍turam ||
mṛ̱ḍā no̍ rudro̱ta no̱ maya̍skṛdhi kṣa̱yadvī̍rāya̱ nama̍sā vidhema te |
yacchaṁ ca̱ yośca̱ manu̍rāya̱je pi̱tā tada̍śyāma̱ tava̍ rudra̱ praṇī̍tau ||
mā no̍ ma̱hānta̍mu̱ta mā no̍ arbha̱kaṁ
mā na̱ ukṣa̍nta-mu̱ta mā na̍ ukṣi̱tam |
mā no̍'vadhīḥ pi̱taraṁ̱ mota mā̱tara̍ṁ pri̱yā mā
na̍sta̱nuvo̍ rudra rīriṣaḥ ||
māna̍sto̱ke tana̍ye̱ mā na̱ āyu̍ṣi̱ mā no̱ goṣu̱
mā no̱ aśve̍ṣu rīriṣaḥ |
vī̱rānmā no̍ rudra bhāmi̱to'va̍dhī-rha̱viṣma̍nto̱
nama̍sā vidhema te ||
ā̱rātte̍ go̱ghna u̱ta pū̍ruṣa̱ghne kṣa̱yadvī̍rāya
su̱mnama̱sme te̍ astu |
rakṣā̍ ca no̱ adhi̍ ca deva brū̱hyadhā̍ ca naḥ̱
śarma̍ yaccha dvi̱barhā̎ḥ ||
stu̱hi śru̱taṁ ga̍rta̱sada̱ṁ yuvā̍naṁ mṛ̱ganna bhī̱ma-mu̍paha̱tnumu̱gram |
mṛ̱ḍā ja̍ri̱tre ru̍dra̱ stavā̍no a̱nyante̍
a̱smanniva̍pantu̱ senā̎ḥ ||
pari̍ṇo ru̱drasya̍ he̱tirvṛ̍ṇaktu̱ pari̍ tve̱ṣasya̍ durma̱tira̍ghā̱yoḥ |
ava̍ sthi̱rā ma̱ghava̍dbhyastanuṣva̱ mīḍhva̍sto̱kāya̱
tana̍yāya mṛuḍaya ||
mīḍhu̍ṣṭama̱ śiva̍tama śi̱vo na̍ḥ su̱manā̍ bhava |
pa̱ra̱me vṛ̱kṣa āyu̍dhanni̱dhāya̱ kṛtti̱ṁ vasā̍na̱
āca̍ra̱ pinā̍ka̱ṁ bibhra̱dāga̍hi ||
viki̍rida̱ vilo̍hita̱ nama̍ste astu bhagavaḥ |
yāste̍ sa̱hasra̍ he̱tayo̱nyama̱smanniva̍pantu̱ tāḥ ||
sa̱hasrā̍ṇi sahasra̱dhā bā̍hu̱vostava̍ he̱taya̍ḥ |
tāsā̱mīśā̍no bhagavaḥ parā̱cīnā̱ mukhā̍ kṛdhi || 10 ||
sa̱hasrā̍ṇi sahasra̱śo ye ru̱drā adhi̱ bhūmyā̎m |
teṣā̍ sahasrayoja̱ne'va̱dhanvā̍ni tanmasi ||
a̱smin ma̍ha̱tya̍rṇa̱ve̎'ntari̍kṣe bha̱vā adhi̍ ||
nīla̍grīvāḥ śiti̱kaṇṭhā̎ḥ śa̱rvā a̱dhaḥ kṣa̍māca̱rāḥ ||
nīla̍grīvāḥ śiti̱kaṇṭhā̱ diva̍ ru̱drā upa̍śritāḥ ||
ye vṛ̱kṣeṣu̍ sa̱spiṁja̍rā̱ nīla̍grīvā̱ vilo̍hitāḥ ||
ye bhū̱tānā̱madhi̍patayo viśi̱khāsa̍ḥ kapa̱rdina̍ḥ ||
ye anne̍ṣu vi̱vidhya̍nti̱ pātre̍ṣu̱ piba̍to̱ janān̍ || |
ye pa̱thāṁ pa̍thi̱rakṣa̍ya ailabṛ̱dā ya̱vyudha̍ḥ ||
ye tī̱rthāni̍ pra̱cara̍nti sṛ̱kāva̍nto niṣa̱ṅgiṇa̍ḥ ||
ya e̱tāva̍ntaśca̱ bhūyā̍saśca̱ diśo̍ ru̱drā vi̍tasthi̱re
teṣā̍ sahasra-yoja̱ne'va̱dhanvā̍ni tanmasi ||
namo̍ ru̱drebhyo̱ ye pṛ̍thi̱vyāṁ ye̎'ntari̍kṣe̱
ye di̱vi yeṣā̱manna̱ṁ vāto̍ va̱rṣamiṣa̍va̱stebhyo̱ daśa̱
prācī̱rdaśa̍ dakṣi̱ṇā daśa̍ pra̱tīcī̱rdaśodī̍cīrdaśo̱rdhvāstebhyo̱
nama̱ste no̍ mṛḍayantu̱ te yaṁ dvi̱ṣmo yaśca̍ no̱ dveṣṭi̱
taṁ vo̱ jambhe̍ dadhāmi || 11 ||
trya̍ṁbakaṁ yajāmahe suga̱ndhiṁ pu̍ṣṭi̱vardha̍nam |
u̱rvā̱ru̱kami̍va̱ bandha̍nānmṛ̱tyo-rmu̍kṣīya̱ mā'mṛtā̎t ||
yo ru̱dro a̱gnau yo a̱psu ya oṣa̍dhīṣu̱
yo ru̱dro viśvā̱ bhuva̍nā''vi̱veśa̱
tasmai̍ ru̱drāya̱ namo̍ astu ||
tamu̍ṣṭu̱hi̱ yaḥ svi̱ṣuḥ su̱dhanvā̱ yo viśva̍sya̱ kṣaya̍ti bheṣa̱jasya̍ |
yakṣvā̎ma̱he sau̎mana̱sāya̍ ru̱draṁ namo̎bhirde̱vamasu̍raṁ duvasya ||
a̱yaṁ me̱ hasto̱ bhaga̍vāna̱yaṁ me̱ bhaga̍vattaraḥ |
a̱yaṁ me̎ vi̱śvabhe̎ṣajo̱'ya śi̱vābhi̍marśanaḥ ||
ye te̍ sa̱hasra̍ma̱yuta̱ṁ pāśā̱ mṛtyo̱ martyā̍ya̱ hanta̍ve |
tān ya̱jñasya̍ mā̱yayā̱ sarvā̱nava̍ yajāmahe |
mṛ̱tyave̱ svāhā̍ mṛ̱tyave̱ svāhā̎ ||
oṁ namo bhagavate rudrāya viṣṇave mṛtyu̍rme pā̱hi |
prāṇānāṁ granthirasi rudro mā̍ viśā̱ntakaḥ |
tenānnenā̎pyāya̱sva ||
namo rudrāya viṣṇave mṛtyu̍rme pā̱hi
|| oṁ śānti̱ḥ śānti̱ḥ śānti̍ḥ ||
|| camakapraśnaḥ ||
om agnā̍viṣṇū sa̱joṣa̍se̱mā va̍rdhantu vā̱ṁ gira̍ḥ |
dyu̱mnairvāje̍bhi̱rāga̍tam ||
vāja̍śca me prasa̱vaśca̍ me̱ praya̍tiśca me̱ prasi̍tiśca me
dhī̱tiśca̍ me̱ kratu̍śca me̱ svara̍śca me̱ śloka̍śca me
śrā̱vaśca̍ me̱ śruti̍śca me̱ jyoti̍śca me̱ suva̍śca me
prā̱ṇaśca̍ me'pā̱naśca̍ me vyā̱naśca̱ me'su̍śca me
ci̱ttaṁ ca̍ ma̱ ādhī̍taṁ ca me̱ vākca̍ me̱ mana̍śca me̱
cakṣu̍śca me̱ śrotra̍ṁ ca me̱ dakṣa̍śca me̱
bala̍ṁ ca ma̱ oja̍śca me̱ saha̍śca ma̱ āyu̍śca me
ja̱rā ca̍ ma ā̱tmā ca̍ me ta̱nūśca̍ me̱ śarma̍ ca me̱
varma̍ ca me̱'ṅgā̍ni ca me̱'sthāni̍ ca me̱
parū̍ṣi ca me̱ śarī̍rāṇi ca me || 1||
jyaiṣṭhya̍ṁ ca ma̱ ādhi̍patyaṁ ca me ma̱nyuśca̍ me̱
bhāma̍śca̱ me'ma̍śca̱ me'mbha̍śca me je̱mā ca̍ me
mahi̱mā ca̍ me vari̱mā ca̍ me prathi̱mā ca̍ me va̱rṣmā ca̍ me
drāghu̱yā ca̍ me vṛ̱ddhaṁ ca̍ me̱ vṛddhi̍śca me sa̱tyaṁ ca̍ me
śra̱ddhā ca̍ me̱ jaga̍cca me̱ dhana̍ṁ ca me̱ vaśa̍śca me̱
tviṣi̍śca me krī̱ḍā ca̍ me̱ moda̍śca me jā̱taṁ ca̍ me
jani̱ṣyamā̍ṇaṁ ca me sū̱ktaṁ ca̍ me sukṛ̱taṁ ca̍ me
vi̱ttaṁ ca̍ me̱ vedya̍ṁ ca me bhū̱taṁ ca̍ me
bhavi̱ṣyacca̍ me su̱gaṁ ca̍ me su̱patha̍ṁ ca ma
ṛ̱ddhaṁ ca̍ ma̱ ṛddhi̍śca me kḷ̱ptaṁ ca̍ me̱ kḷpti̍śca me
ma̱tiśca̍ me suma̱tiśca̍ me || 2||
śaṁ ca̍ me̱ maya̍śca me pri̱yaṁ ca̍ me'nukā̱maśca̍ me̱
kāma̍śca me saumana̱saśca̍ me bha̱draṁ ca̍ me̱
śreya̍śca me̱ vasya̍śca me̱ yaśa̍śca me̱ bhaga̍śca me̱
dravi̍ṇaṁ ca me ya̱ntā ca me dha̱rtā ca me̱ kṣema̍śca me̱
dhṛti̍śca me̱ viśva̍ṁ ca me̱ maha̍śca me sa̱ṁvicca̍ me̱
jñātra̍ṁ ca me̱ sūśca̍ me pra̱sūśca̍ me̱ sīra̍ṁ ca me
la̱yaśca̍ ma ṛ̱taṁ ca̍ me̱'mṛta̍ṁ ca me'ya̱kṣmaṁ ca̱ me'nā̍mayacca me
jī̱vātuśca me dīrghāyu̱tvaṁ ca̍ me'nami̱traṁ ca̱ me'bha̍yaṁ ca me
su̱gaṁ ca̍ me̱ śaya̍naṁ ca me sū̱ṣā ca̍ me su̱dina̍ṁ ca me || 3||
ūrkca̍ me sū̱nṛtā̍ ca me̱ paya̍śca me̱ rasa̍śca me
ghṛ̱taṁ ca̍ me̱ madhu̍ ca me̱ sagdhi̍śca me̱
sapī̍tiśca me kṛ̱ṣiśca̍ me̱ vṛṣṭi̍śca me̱ jaitra̍ṁ ca ma̱
audbhi̍dyaṁ ca me ra̱yiśca̍ me̱ rāya̍śca me pu̱ṣṭaṁ ca̍ me̱
puṣṭi̍śca me vi̱bhu ca̍ me pra̱bhu ca̍ me ba̱hu ca̍ me̱
bhūya̍śca me pū̱rṇaṁ ca̍ me pū̱rṇata̍raṁ ca̱ me'kṣi̍tiśca me̱
kūya̍vāśca̱ me'nna̍ṁ ca̱ me'kṣu̍cca me vrī̱hiya̍śca me̱
yavā̎śca me̱ māṣā̎śca me̱ tilā̎śca me mu̱dgāśca̍ me
kha̱lvā̎śca me go̱dhūmā̎śca me ma̱surā̎śca me
pri̱yaṁga̍vaśca̱ me'ṇa̍vaśca me śyā̱makā̎śca me nī̱vārā̎śca me || 4||
aśmā̍ ca me̱ mṛtti̍kā ca me gi̱raya̍śca me̱ parva̍tāśca me̱
sika̍tāśca me̱ vana̱spata̍yaśca me̱ hira̍ṇyaṁ ca̱ me'ya̍śca me̱
sīsa̍ṁ ca me̱ trapu̍śca me śyā̱maṁ ca̍ me
lo̱haṁ ca̍ me̱'gniśca̍ ma̱ āpa̍śca me vī̱rudha̍śca ma̱
oṣa̍dhayaśca me kṛṣṭapa̱cyaṁ ca̍ me'kṛṣṭapa̱cyaṁ ca̍ me
grā̱myāśca̍ me pa̱śava̍ āra̱ṇyāśca̍ ya̱jñena̍ kalpantāṁ
vi̱ttaṁ ca me̱ vitti̍śca me bhū̱taṁ ca̍ me̱
bhūti̍śca me vasu̍ ca me vasa̱tiśca̍ me̱ karma̍ ca me̱
śakti̍śca̱ me'rtha̍śca ma̱ ema̍śca ma̱ iti̍śca me̱
gati̍śca me || 5||
a̱gniśca̍ ma̱ indra̍śca me̱ soma̍śca ma̱ indra̍śca me
savi̱tā ca̍ ma̱ indra̍śca me̱ sara̍svatī ca ma̱ indra̍śca me
pū̱ṣā ca̍ ma̱ indra̍śca me̱ bṛha̱spati̍śca ma̱ indra̍śca me
mi̱traśca̍ ma̱ indra̍śca me̱ varu̍ṇaśca ma̱ indra̍śca me̱
tvaṣṭā̍ ca ma̱ indra̍śca me dhā̱tā ca̍ ma̱ indra̍śca me̱
viṣṇu̍śca ma̱ indra̍śca me̱'śvinau̍ ca ma̱ indra̍śca me
ma̱ruta̍śca ma̱ indra̍śca me̱ viśve̍ ca me de̱vā indra̍śca me
pṛthi̱vī ca ̍ ma̱ indra̍śca me̱'ntari̍kṣaṁ ca ma̱ indra̍śca me̱
dyauśca̍ ma̱ indra̍śca me̱ diśa̍śca ma̱ indra̍śca me
mū̱rdhā ca̍ ma̱ indra̍śca me pra̱jāpa̍tiśca ma̱ indra̍śca me || 6||
a̱̱śuśca̍ me ra̱śmiśca̱ me'dā̎bhyaśca̱ me'dhi̍patiśca ma
upā̱̱śuśca̍ me'ntaryā̱maśca̍ ma aindravāya̱vaśca̍ me
maitrāvaru̱ṇaśca̍ ma āśvi̱naśca̍ me pratipra̱sthāna̍śca me
śu̱kraśca̍ me ma̱nthī ca̍ ma āgraya̱ṇaśca̍ me vaiśvade̱vaśca̍ me
dhru̱vaśca̍ me vaiśvāna̱raśca̍ ma ṛtugra̱hāśca̍ me'tigrā̱hyā̎śca ma
aindrā̱gnaśca̍ me vaiśvade̱vaśca̍ me marutva̱tīyā̎śca me
māhe̱ndraśca̍ ma ādi̱tyaśca̍ me sāvi̱traśca̍ me sārasva̱taśca̍ me
pau̱ṣṇaśca̍ me pātnīva̱taśca̍ me hāriyoja̱naśca̍ me || 7||
i̱dhmaśca̍ me ba̱rhiśca̍ me̱ vedi̍śca me̱ dhiṣṇi̍yāśca me̱
sruca̍śca me cama̱sāśca̍ me̱ grāvā̍ṇaśca me̱
svara̍vaśca ma upara̱vāśca̍ me'dhi̱ṣava̍ṇe ca me
droṇakala̱śaśca̍ me vāya̱vyā̍ni ca me pūta̱bhṛcca̍ ma
ādhava̱nīya̍śca ma̱ āgnī̎dhraṁ ca me havi̱rdhāna̍ṁ ca me
gṛ̱hāśca̍ me̱ sada̍śca me puro̱ḍāśā̎śca me
paca̱tāśca̍ me'vabhṛ̱thaśca̍ me svagākā̱raśca̍ me || 8||
a̱gniśca̍ me gha̱rmaśca̍ me̱'rkaśca̍ me̱
sūrya̍śca me prā̱ṇaśca̍ me'śvame̱dhaśca̍ me
pṛthi̱vī ca̱ me'di̍tiśca me̱ diti̍śca me̱ dyauśca̍ me̱
śakkva̍rīra̱ṅgula̍yo̱ diśa̍śca me ya̱jñena̍
kalpantā̱mṛkca̍ me̱ sāma̍ ca me̱ stoma̍śca me̱ yaju̍śca me
dī̱kṣā ca̍ me̱ tapa̍śca ma ṛ̱tuśca̍ me
vra̱taṁ ca̍ me'horā̱trayo̎rvṛ̱ṣṭyā bṛ̍hadrathanta̱re ca̍ me
ya̱jñena̍ kalpetām || 9||
garbhā̎śca me va̱tsāśca̍ me̱ tryavi̍śca me trya̱vī ca̍ me
ditya̱vāṭ ca̍ me dityau̱hī ca̍ me̱ pañcā̍viśca me
pañcā̱vī ca̍ me triva̱tsaśca̍ me triva̱tsā ca̍ me
turya̱vāṭ ca̍ me turyau̱hī ca̍ me paṣṭha̱vāṭ ca̍ me
paṣṭhau̱hī ca̍ ma u̱kṣā ca̍ me va̱śā ca̍ ma
ṛṣa̱bhaśca̍ me ve̱hacca̍ me'na̱ḍvāñca̍ me
dhe̱nuśca̍ ma̱ āyu̍rya̱jñena̍ kalpatāṁ
prā̱ṇo ya̱jñena̍ kalpatāmapā̱no ya̱jñena̍ kalpatāṁ vyā̱no ya̱jñena̍ kalpatā̱ṁ
cakṣu̍rya̱jñena̍ kalpatā̱̱ śrotra̍ṁ ya̱jñena̍ kalpatā̱ṁ
mano̍ ya̱jñena̍ kalpatā̱ṁ vāgya̱jñena̍ kalpatāmā̱tmā ya̱jñena̍ kalpatāṁ
ya̱jño ya̱jñena̍ kalpatām || 10 ||
ekā̍ ca me ti̱sraśca̍ me̱ pañca̍ ca me sa̱pta ca̍ me̱
nava̍ ca ma̱ ekā̍daśa ca me̱ trayo̍daśa ca me̱ pañca̍daśa ca me
sa̱ptada̍śa ca me̱ nava̍daśa ca ma̱ eka̍viśatiśca me̱
trayo̍viśatiśca me̱ pañca̍viśatiśca me
sa̱ptavi̍śatiśca me̱ nava̍viśatiśca ma̱
eka̍triśacca me̱ traya̍striśacca me̱
cata̍sraśca me̱'ṣṭau ca̍ me̱ dvāda̍śa ca me̱
ṣoḍa̍śa ca me viśa̱tiśca̍ me̱
catu̍rviśatiśca me̱'ṣṭāvi̍śatiśca me̱ dvātri̍śacca me̱
ṣaṭtri̍śacca me catvari̱̱śacca̍ me̱
catu̍ścatvāriśacca me̱'ṣṭāca̍tvāriśacca me̱
vāja̍śca prasa̱vaścā̍pi̱jaśca̱ kratu̍śca̱ suva̍śca
mū̱rdhā ca̱ vyaśni̍yaścāntyāya̱naścāntya̍śca
bhauva̱naśca̱ bhuva̍na̱ścādhi̍patiśca || 11||
om iḍā̍ deva̱hūrmanu̍ryajña̱nīrbṛha̱spati̍rukthāma̱dāni̍
śasiṣa̱dviśve̍de̱vāḥ sū̎kta̱vācaḥ̱
pṛthi̍vīmāta̱rmā mā̍ hisī̱rmadhu̍ maniṣye̱
madhu̍ janiṣye̱ madhu̱ vakṣyāmi̱ madhu̍ vadiṣyāmi̱
madhu̱matīṁ de̱vebhyo̱ vāca̍mudyāsa śuśrū̱ṣeṇyā̎ṁ
manu̱ṣye̎bhya̱staṁ mā̍ de̱vā a̍vantu śo̱bhāyai̍
pi̱taro'nu̍madantu ||
|| om śāntiḥ śāntiḥ śāntiḥ ||
|| iti śrī kṛṣṇayajurvedīya taittirīya saṁhitāyāṁ
caturthakāṇḍe saptamaḥ prapāṭhakaḥ ||